Gin Jaw Hkrum Ra Zuphpawng De Tang Madun ai Laika

De,

Ginjaw Komiti

15 lang na ginjaw komiti hkumra zuphpawng

KIO/ KIA

                                    KIO/KIA DU KABA HPANG DE TANG DA AI LAIKA

1. NC hta KIO/KIA hku nna tang shawn na matu la sa ai proposal hpe SPDC wa tsep kawp n jahta ya ai sha n-ga myit mung n-myit ya ai hta KIO/KIA gaw SPDC aq [constitution]referendum hpe madi shadaw dat ai gaw mau n-ma re nga ai. Matut nna myen ni woi awn ai tinggyeng akyu tam ai mungmasa lam yan aq hpang hkan ai gaw Chyurum W.P sha ni shada dumbri dumbra byin shangun ai akyu ara sha pru wa nga ai. Teng man ai amyusha lawt lu lamgaloi mung lu wa na n re nna WP myusha ni hpe hpyen wa aq lata de ap kau ya ai hku she lachyum pru wa ai. Dai hku byin wa taw nga ai hpe tsep kawp n ra sharawng ai hku re.

2. KIO/KIA nnan gaw sharawt wa yang jahkrat da ai yawshada lam ni hta WP Myusha ni hkratsumtaw nga ai ahkaw ahkang ni lu la na matu, Myen Myukaba mayu ai hpe kasat na matu re ai hta, ya lam lapran e myusha ni lawt lu ai lam majing n-lu shi yang myen hte kanen nna nga

mat ai gaw shanglawt kaja lu sai majaw kun? Myusha ni aq yaw shada ai lam ni hpring zup mat

sai majaw kun? Matut nna myen ni dipsha ai hpe n ra nna rawt malan ai wa ya gaw myen ni dip

sha ai hpe tara shang hkap la ai lachyum pru mat sai hku re, hpu-shawng hpu-hpuba ni sung

sung myit yu na hpe ra sharawng ai.

3. 1994 ning hta lahkawng maga de gap hkat jahkring ai lam galaw ai raitim anhte ni hpang maga de sha gaphkat jahkring da ai rai nna Myengumshen ni maga de gaw kasat ai lam njahkring ai hpe mu lu ai. Katsi majan re nga ai kani majan hte anhte WP myusha ni kasat shamyit hkrum katut nga nna hpawt ni na ningbaw re nga ai anhte aq ramma kaji kaba ni

yawng gaw dai katsi majan kata hta si hkrum ra ai hte shani shana hkrat sum taw nga ai. Dai kani aq majaw kanu kawa kashu kasha ni yawng rim adup zingri hkrum nga ai hte yawnhkyen myiprwi pru ra nga sai, n-dai lam hpe hpu-shawng hpuba ni laja lana myityu na hpe ra sharawng ai.

4. Hpushawng hpuba share shagan ni dakring dalang shakut lai wa ai lagaw-hkang ni hpe mung n-shaprai nna, mungchying sha kaji kaba yawng, matsan jahkrai gaidaw gaida ni yawng kaw-si hpang gara nga ai ten hta kahpu-ba ni gaw anhte aq hkrap-ngu hkrap-ngoi ai n sen ni hpe na ya nna kam gring ai gawng malai tai tsap ya na hpe kam ga ai. Matut n-na n-pawt nhpang kawn yaw shada ai bandung hpe mung n-tat ai sha anhte hkamsha shoichyum nga ai tsinyam kata na lawt lu wa ai ladat ni hte woiawn na hpe rasharawng ga ai.

5. Myen hpyen gumshem asuya woi awn ai mungmasa gaw shi a asak galu na matu share majaw shanhte aq hpang hkan ai lam hpe KIO/KIA ni gaw jahkring kau nna kaja wa teng man ai mungmasa de lu sa na matu mungshawa hte lata gindun nna teng man ai maga hta WP Myusha ni aq gawng malai tai let ngang ngang tsap ya na hpe ra sharawng ga ai.

Chyurum WP myusha ni hte Ramma ni

USA, India, Denmark, Czech Republic, Laos, U-Ma Ga, Thailand, Hong Kong

Kraw Hpaw N-sen

          2007/Oct 6 ya shani Mai Ja Yang mare e magam bungli hte wa du nga ai Buga shara shagu na ramma ni hkrum zup let NC hpe madi shadaw ai lamang hta KIO a shang lawm madi shadaw ai lam hpe ninghkap ai lamang galaw lai wa sai lam chye lu ai. N-dai ramma hkrum zup hpawng hta ramma 180 jan myit hkrum madi shadaw ai hte, Mai Ja Yang nga Wunpawng Ramma ni a Kraw Hpaw N-sen nga nna...

  An hte gaw...

1. Tengman ai Munghpawm Mungdan byin wa na hpe awng sharawng ai ni rai nga ga ai. Awng Dawm shang lawt lu na hpe mung myit mada nga ai ni rai nga ga ai.

2. Wunpawng Myu sha, K- wuhpung ni yawng lawan myit hkrum kahkyin gumdin na lam hpe ra sharawng ga ai.

3. Myen hpyen Asuya (SPDC) a NC hte Constitution hpe hkaptau madi shadaw ai lam hpe ninghkap ga ai. Shanglawm madi shadaw lawm ai wuhpung ni yawng a shang lawm madi shadaw ai lam hpe mung nra sharawng ga ai.

4. Tinang KIO hku nna Myen Hpyen Asuya (SPDC) a NC hte Constitution hpe hkap tau madi shadaw lawm ai a majaw Mung kan a man e mung Mung shawa a man e mung myi man sum, hkrat sum mat ai sari hpe tsi la lu na hte Mung shawa ni a myit makam bai lu la hkra galaw na aten rai nga ai. Dai majaw tinang KIO ninggawn mung masa grin nga lu na matu hte KIO dap shawa yawng Jinghpaw wunpawng amyu sha ni a hkrat sum mat wa ai sari hpe bai sharawt la lu na matu tinang KIO ginjaw komiti kaw nna lawan dik ai hku sanglang dan na hte shawng lam bungli masing hkrang shapraw sa wa na hpe aja awa ra sharawng ga ai.

5. Myen hpyen Asuya (SPDC) hpe UN kaw nna lawan ahkyak la ya na matu ra sharawng ga ai.

6. Myen Mung  mung masa a majaw sharen da hkrum ai mung masa ningbaw ni hte mung masha, jawng ma, hpung kyi ni yawng hpe lawan dat ya na matu ra sharawng ga ai.

7. Myen mung hte Mungkan shara shagu hta nga nga ai mung shawa ni yawng  Myen hpyen Asuya hpe ja ja wa ninghkap sa wa ga ngu ga saw dat ga ai.

  ngu ai N-dau N-sen hpe shapraw dat sai lam chye lu ai.

photo

A new Catholic Church building from Pang Wah.

A small village from highland.

Changyinghku valley from Kachin Special Region (1)

                 Mare kaba kaw hpaji sharin hkam la taw nga ai manang ni hte maigan kaw du taw nga ai manang ni yawng jinghpaw buga de myit dum ai shaloi yu na matu ngu dem da ai sumla ni re.

photo

 Samwi wanleng jawn ai zawn nga hkam sha ai tsaw dik ai bum ntsa kaw re.

Majan Shang Zinlum ladat hte Wireless matut mahkai wunkat yu poi (NDAK)

               August shata 27 ya shani 1:00pm  hta NDAK ginjaw rai nga ai Pangwa kaw na (Pa Htai Ho) training center kaw majan shang zinlum ladat hte wireless matut mahkai hpaji wunkat jawng yu poi hpe galaw ai lam chye lu ai. Ndai jawng yu poi lamang hta NDAK ning baw kaba rai nga ai Zahkung Ting Ying hte ginjaw council masha kaba ni shang lawm ai lam chye lu ai.

Pangwa lahta tsang jawng

           NDAK uphkang ginra hta lahta tsang jawng ngu na gaw.... Pangwa lahta tsang jawng langai sha nga nga ai. Ndai jawng kaw.. NDAK uphkang ginra kaw lawm ai mare buga hkan na jawng ma marai (500) ram hpaji sharin hkam la nga ai lam chye lu ai. Jawng hta ra nga ai (facilities) ni 

grai hkum tsup hkra nga tim sharin ai ladat nhkrak ai majaw tsang (10) awng ai tsa lam shadang grai naw yawm nga ai. 

photo

Nay Chi Hotel , PangWah, Kachin Special Region (1)

NDAK, N.C sa lung ai dat kasa ni hpe jaw ai laika

                  National Convention shanglawm jahkrup ai hta ahkyak tawn nhtawm mahtai lu ra ai amu kaba ni-

1.  Anhte a Mungdan hta Hpyendap Asuya ahkaw ahkang madu la nna uphkang wa ai aten na sai. Ndai mungdan uphkang ai Asuya ahkaw ahkang hpe ahkaw ahkang madu tawn ai hpyen ningbaw ningla ni nan myit hkawn nna dat kaw ai sha nrai yang Asuya ahkaw ahkang htawt sit galai ap hkat na yak nga ai.

       Aten ndai daram na hkra galaw ai National Convention gaw Hpyen ningbaw ningla ni shanhte myit ra ai hku ahkaw ahkang hpe htawt sit galai ap hkat na matu yaw shada ai pandung hte galaw nga ai rai sai.Hpyen asuya up hkang lai hpe tsepkawp gun kau nhtawm Asuya uphkang lai nnan galai la na matu shaning law law wa Mung masa uhpung amyu myu, Amyu masha laknak lang gasat poi shang lai wa ai law law rai sai.Mungdan grau hpang hkrat mat wa ai. Amyu masha ni asak du baw law law sum mta wa ai.Nga dung nga sa madang hkrat nem mat wa nhtawm shinggyim ahkaw ahkang (human rights) aja awa jahten kau hkrum ai hta lai nna akyu byin pru wa ai lam hpa n-nga ai. Matut nna hpyen dap Asuya uphkang lai hpe tsep kawp gun kau lu na matu jawm shakut ai gaw grau kaba ai tsinyam hkrum katut wa na sha rai nga ai. Dai majaw ndai Myen mungdan hta hpyen ningbaw ningla ni nshang lawm ai uphkang Asuya tup hkrak grai nbyin lu na sha re. Hpyen dap ni shanglawm uphkang ai Asuya tara shang gaw sharawt na matu gaw sharawt nga ai N.C nan rai sai. Dai majaw Hpyen dap ni shanglawm lu ai tara shang npawt nhpang Constitution hpe ka shapraw shagrin da ya na zuphpawng kaba N.C rai nga mali ai. "Road Map" mung dai rai sai. Dai majaw ra ai , nra ai ngu lata la na nnga ai. Hpyen ningbaw ningla ni hte ganawn mazum pawng hpawm nhtawm Mungdan uphkang Asuya gaw sharawt sa wa na lam langai chyu sha nga nga ai kata kaw N.C zuphpawng nhtawm, mahtai tam nga ai rai sai. Mahtai kaja byin mai ai made shabyin da lu ra nga mali ai.

2. N.C kaw nna masat jahkrat dawdan mat wa ai npawt nhpang tara kanu ni yawng mayawng Hpyendap ni a matu hkrai chyu sha akyu nga sa wa na re ngu nna nmai hkam la sana rai nga ai. Mungdan langai mi ting hku nna Amyu masha ni, Mungchying shawa dawtsa ni, nbung ai makam masham hkapla nna rau ngadung ngasa shajang ai Mungdan masha ja nban ni yawng a matu rawt jat galu kaba sa wa mai na hpe masat shalawm shagrin da shajang ra nga ai.

          Ahkyak dik ai gaw-

Langai: Ndai mungdan hta amyu masha law law pawng hpawm nga ai. Amyu masha law law ni a daidaw buga "lamu ga" ni hpe pawng kau nna Munghpawm Mungdan ngu gaw sharawt tawn da ai.Mung masa, sut masa, shinggyim lam masa, makam masham lam, htunghking lam, machye machyang hpaji hparat sharawt shatsaw la sa wa ai hta rap ra ai ahkaw ahkang jai lang lu ai, maren mara re ai akyu ni hkam sha lu na matu makawp maga da ya ai npawt nhpang Constitution masat shagrin ra nga ai.

lahkawng: Amyu masha ni a uphkang ginra shagu hta, ga shadawn Self Administrative State, Self Adminnistrative Zone, Self Adminnistrative Area ni yawng hta Nationalities ni kata na lata san da ai Amyu masha ningbaw ni hpe nan ahkang aya ap ya nhtawm Asuya uphkang lai shagrin da lu ra nga ai.

Masum:  Ndai Mungdan kaw nga shanu ai, nga pra ai masha nlang hte yawng hte hpe Mungkan shinggyim sha madang dep du ai  Democracy lai hkam sha shajang lu ai rai ra nga ai.

Mali: Munghpawm Myen Mungdan a maigan mung ni hte seng hkat ai Foreign Policy gaw kadai maga mung nkap ai Neutralism rai ra nga ai. Anhte mungdan a dinghku de shang chyinglau ya ai hpe nhtan shai ra ai. N'gun  ja ai mungdan ni a lapran hta maga mi de sa kap nhtawm tinang a mungdan hte mung masha ni hpe nga ula kaba ni daru hkat ai kata hta tsingdu ni kabye sat kau ai nhkrum shangun na ahkyak kaba rai nga ai. Dai majaw Non allience hpung hta lawm ra nga ai.

Manga: Mungdan simsa lam hte seng nna ya simsa tawn ai garai nlaw ai, garai n' ngang kang ai .Uhpung uhpawng hkum hkum tsup tsup hte Mungdan langai mi ting simsa lam shangang shakang shagrin da lu hkra hkrang shapraw sa wa na ra nga ai. Tara Upadi hte uphkang ai Asuya uphkang lai hpe hkapla shajang na, sinat laknak hte gasat gala hkat nga ai yawng hpe jahkring kau nna, Mung masa tsun bawng hkat nhtawm mara dat kau ai hte simsa shangun na.

3. Ya bai hpawng ai gaw jahtum rai sai nga nna shabra tawn sai.

Gram na, jat na, shaw kau na yawng ndai jahtum na lang hta galaw jahkum shatsup la sa wa ra sai re majaw N.C zuphpawng hkum malai ni hku nna myit galu galang hte sung sung sumru tsan tsan yu jasat let sa shang lawm na matu shatsam ai. KIO dat gasa ni hte rai rai, WMR hte rai rai, kaga myitsu ni hte rai rai bawng jahkrup la nna hpaji jaw ai hpe lu la sa wa ra ai.

                                                                                                                               Zahkung Ting Ying

                                                                                                                                Ningbaw Kaba

                                                                                                                             NDAK Ginjaw, Pangwa