Blog ngu ai hpa rai ta?

           Ya ten anhte mungdan hta byin taw  ai demonstration  hte SPDC  a matse labye sat lawat hpe mungkan masha yawng chye hkra shakut ai blogs ni hpe mu hti na ndai post hpe ka na myit lu ai. CNN hte Aljazeera zawn rai mying kaba ai shiga dap ni pyi blog kaw na shiga ni hpe bai shapoi ya ai. (CNN refrence galaw ai gaw Ko Htike na blog re.)

            Blog ngu ai hpe Wikipedia kaw gaw ndai hku tsun da ai. " A blog is a website where entries are written in chronological order and commonly displayed in reverse chronological order. " Blog can aslo be used as verb, meaning to maintain or add content to a blog".  Tsun ga nga yang blog ngu ai gaw website sha re. Raitim ndai website kata kaw lawm ai ( chronological order) hku mara da ai laika, sumla ni hpe laga mying nnan langai hte bai mara dat ai hpe tsun ai re.

            Blog byin wa ai labau hpe yu ga nga yang 1994 hta Swarthmore Colledge hta hpaji sharin hkam la nga ai Justin Hall gaw ' Justin's Links from the Underground" ngu mying jaw da ai personal blog www.links.net hpe galaw ai kaw na hpang ai re. Dai majaw 2004 , December hta Newyork Time magazine kaw Justin Hall hpe " the founding father of personal blogging" hku masat sai re.

          1995 hpang chronological order hte galaw ai website ni pru wa na " logging the word" ngu ai ga si(word) popular byin wa ai. Weblog ngu ai ga si byin na matu web hte log hpe shawng pawng na lang ai gaw John Barger re ai. Ndai weblog ngu ai ga si hpe 1997 hta personal blog rai nga ai www.robotwisdom.com hta shawng ning nan lang hpang ai re. Weblog ngu ai word hpe

verb langai hku na Oxford Dictionary kaw 2003 , March shata kaw she lang hpang ai.

           Dai hpang Peter Merholz gaw weblog hpe " We Blog" ngu ga si lahkawng hku bai garan lang ai kaw na ''Blog" ngu ai ga si byin tai wa ai re.  

            Dai ni na ten hta blog ni gaw mung kan masha yawng hpe shiga grai lawan jaw lu ai media hku byin tai wa sai. Website langai galaw na matu gaw ja gumhpraw hte hpaji grai rang ra ai. Blog galaw na matu gaw website galaw ai hta grau loi ai. Ga shadawn- www.blogger.com kaw tinang na personal blog galaw na nga yang step 3 sha galaw ra ai. Blogger.com hpe hpaw na tinang na google account hte sign in mai galaw ai. Law malawng gaw blog galaw na matu blogger.com hte wordpress hpe lang ma ai. Website ni hta blog ni grau popular byin wa ai gaw blog kaw gaw blog ka ai wa hte blog hti ai ni interactive lu ai majaw re.